LightNovesOnl.com

The Principal Navigations, Voyages, Traffiques and Discoveries of the English Nation Volume Viii Part 17

The Principal Navigations, Voyages, Traffiques and Discoveries of the English Nation - LightNovelsOnl.com

You're reading novel online at LightNovelsOnl.com. Please use the follow button to get notifications about your favorite novels and its latest chapters so you can come back anytime and won't miss anything.

Aftreward men gon be many yles be see, unto an yle, that men clepen Milke: and there is a fulle cursed peple: for thei delyten in ne thing more, than for to fighten and to sle men. And thei drynken gladlyest mannes blood, the whiche thei clepen dieu. And the mo men that a man may slee, the more worschipe he hathe amonges hem. And zif 2 persones ben at debate, and peraventure ben accorded be here frendes or be sumn of here alliance, it behovethe that every of hem, that schulle ben accorded, drynke of otheres blood: and elle the accord ne the alliance is noghte worthe, ne it schalle not be ne repref to him to breke the alliance and the accord, but zif every of hem drynke of otheres blood.

And from that yle, men gon be see, from yle to yle, unto an yle, that is clept Tracoda; where the folk of that contree ben as bestes and unresonable, and duellen in caves, that thei maken in the erthe; for thei have no wytt to maken hem houses. And whan thei seen ony man pa.s.synge thorghe here contrees, thei hyden hem in here caves. And thei eten flesche of serpentes; and thei eten but litille, and thei speken nought; but thei hissen, as serpentes don. And thei sette no prys be no richesse, but only of a precyous ston, that is amonges hem, that is of 60 coloures. And for the name of the yle, thei clepen it Tracodon. And thei loven more that ston, than ony thing elle: and zit thei knowe not the vertue thereof: but thei coveyten it and loven it only for the beautee.

Aftre that yle, men gon be the see occean, be many yles, unto an yle, that is clept Nac.u.mera; that is a gret yle and good and fayr: and it is in kompas aboute, more than a 1000 myle. And alle the men and wommen of that yle han houndes hedes: and thei ben clept Cynocephali: and thei ben fulle resonable and of G.o.de undirstondynge, saf that thei worschipen an ox for here G.o.d. And also everyche of hem berethe an ox of gold or of sylver in his forhed, in tokene that thei loven wel here G.o.d. And thei gon alle naked, saf a litylle clout, that thei coveren with here knees and hire membres. Thei ben grete folk and wel fyghtynge; and thei han a gret targe, that coverethe alle the body, and a spere in here hond to fighte with. And zif thei taken ony man in bataylle, anon thei eten him. The kyng of that yle is fulle riche and fulle myghty, and righte devout aftre his lawe: and he hathe abouten his nekke 360 perles oryent, G.o.de and grete, and knotted, as Pater Nostres here of amber. And in maner as wee seyn oure Pater Noster and oure Ave Maria, cowntyng the Pater Nosters, right so this kyng seythe every day devoutly 300 preyeres to his G.o.d, or that he ete: and he berethe also aboute his nekke a rubye oryent, n.o.ble and fyn, that is a fote of lengthe, and fyve fyngres large. And whan thei chesen here kyng, thei taken him that rubye, to beren in his hond, and so thei leden him rydynge alle abouten the cytee. And fro thens fromward, thei ben alle obeyssant to him.

And that rubye he schalle bere alle wey aboute his nekke: for zif he hadde not that rubye upon him, men wolde not holden him for kyng. The grete Cane of Cathay hathe gretly coveted that rubye; but he myghte never han it, for werre ne for no maner of G.o.des. This kyng is so rightfulle and of equytee in his doomes, that men may go sykerlyche thorghe out alle his contree, and bere with him what him list, that no man schalle ben hardy to robben hem: and zif he were, the kyng wolde iustifyed anon.

Fro this lond men gon to another yle, that is clept Silha: and it is welle a 800 myles aboute. In that lond is fulle moch.e.l.le waste; for it is fulle of serpentes, of dragouns and of c.o.kadrilles; that no man dar duelle there.

Theise cocodrilles ben serpentes, zalowe and rayed aboven, and han 4 feet and schorte thyes and grete nayles, as clees or talouns; and there ben somme that han 5 fadme in lengthe, and summe of 6 and of 8, and of 10: and whan thei gon be places, that ben gravelly, it semethe as thoughe men hadde drawen a gret tree thorghe the gravelly place. And there ben also many wylde bestes, and namelyche of olyfauntes. In that yle is a gret mountayne; and in mydd place of the mount, is a gret lake in a fulle faire pleyne, and there is a gret plentee of watre. And thei of the contree seyn, that Adam and Eve wepten upon that mount an 100 zeer, whan thei weren dryven out of Paradys. And that watre, thei seyn, is of here teres: for so moche watre thei wepten, that made the forseyde lake. And in the botme of that lake, men fynden many precious stones and grete perles. In that lake growen many reedes and grete cannes; and there with inne ben many cocodrilles and serpentes and grete watre leches. And the kyng of that contree, ones every zeer, zevethe leve to pore men to gon in to the lake, to gadre hem precyous stones and perles, be weye of alemesse, for the love of G.o.d, that made Adam. And alle the zeer, men fynde y nowe. And for the vermyn, that is with inne, thei anoynte here armes and here thyes and legges with an oynement, made of a thing that is clept lymons, that is a manere of fruyt, lyche smale pesen: and thanne have thei no drede of no cocodrilles, ne of non other venymous vermyn. This watre rennethe, flowynge and ebbynge, be a syde of the mountayne: and in that ryver men fynden precious stones and perles, gret plentee. And men of that yle seyn comounly, that the serpentes and the wilde bestes of that contree ne will not don non harm, ne touchen with evylle, no strange man, that entrethe into that contree, but only to men that ben born of the same contree. In that contree and othere there abouten, there ben wylde gees, that han 2 hedes: and there ben lyouns alle white, and als grete as oxen, and many other dyverse bestes, and foules also, that be not seyn amonges us. And witethe wel, that in that contree and in othere yles there abouten, the see is to highe, that it semethe as though it henge at the clowdes, and that it wolde covere alle the world: and that is gret mervaylle, that it myghte be so, saf only the wille of G.o.d, that the eyr susteynethe it. And therfore seyth David in the Psautere, _Mirabiles elationes Maris_.

How men knowen be the Ydole, zif the sike schalle dye or non. Of folk of dyverse schap and merveylously disfigured: And of the Monkes, that zeven hire releef to Babewynes, Apes and Marmesettes and to other Bestes.

[Sidenote: Cap. XIX.] From that yle, in goynge be see, toward the southe, is another gret yle, that is clept Dondun. In that yle ben folk of dyverse kyndes; so that the fadre etethe the sone, the sone the fadre, the husbonde the wif, and the wif the husbonde. And zif it so befall, that the fadre or modre or ony of here frendes ben seke, anon the son gothe to the prest of here law, and preyethe him to aske the ydole, zif his fadre or modre or frend schalle dye on that evylle or non. And than the prest and the sone gone to gydere before the ydole, and knelen fulle devoutly, and asken of the ydole here demande. And zif the devylle, that is with inne, answere, that he schalle lyve, thei kepen him wel: and zif he seye, that he schalle dye, then the prest gothe with the sonne, with the wif of him that is seeke, and thei putten here hondes upon his mouthe, and stoppon his brethe, and so thei sleen him. And aftre that, thei choppen alle the body in smale peces, and preyen alle his frendes to comen and eten of him, that is ded: and thei senden for alle the mynstralle of the contree, and maken a solempne feste. And whan thei han eten the flessche, thei taken the bones, and buryen hem, and syngen and maken gret melodye. And alle tho that ben of his kyn, or pretenden hem to ben his frendes, and thei come not to that feste, thei ben repreved for evere and schamed, and maken gret doel; for nevere aftre schulle thei ben holden as frendes. And thei seyn also, that men eten here flesche, for to delyveren hem out of peyne. For zif the wormes of the erthe eten hem, the soule scholde suffre gret peyne, as thei seyn; and namely, whan the flesche is tendre and megre, thanne seyn here frendes, that thei don gret synne, to leten hem have so long langure, to suffre so moche peyne, with oute resoun. And whan thei fynde the flessche fatte, than thei seyn, that it is wel don, to senden him sone to paradys; and that thei have not suffred him to longe, to endure in peyne. The kyng of this yle is a ful gret lord and a myghty; and hathe undre him 54 grete yles, that zeven tribute to him: and in everyche of theise yles, is a kyng crowned, and alle ben obeyssant to that kyng. And he hathe in tho yles many diverse folk. In one of theise yles ben folk of gret stature, as Geauntes; and thei ben hidouse for to loke upon; and thei han but on eye, and that is in the myddylle of the front; and thei eten no thing but raw flessche and raw fyssche.

And in another yle, toward the southe, duellen folk of foule suture and of cursed kynde, that han no hedes: and here eyen ben in here scholdres.

And in another yle ben folk, that han the face all platt, alle pleyn, with outen nese and with outen mouthe: but thei han 2 smale holes alle round, in stede of hire eyen: and hire mouthe is plait also, with outen lippes.

And in another yle ben folk of foul fasceon and schapp, that han the lippe above the mouthe so gret, that whan thei slepen in the sonne, thei keveren alle the face with that lippe.

And in another yle, ther ben litylle folk, as dwerghes; and thei ben to so meche as the pygmeyes, and thei han no mouthe, but in stede of hire mouthe, thei han a lytylle round hole: and whan thei schulle eten or drynken, thei taken thorghe a pipe or a penne or suche a thing, and sowken it in: for thei han no tonge; and therfore thei speke not, but thei maken a maner of hissynge, as a neddre doth, and thei maken signes on to another, as monkes don; be the whiche, every of hem undirstondethe other.

And in another yle ben folk, that han gret eres and longe, that hangen doun to here knees.

And in another yle ben folk, that han hors feet; and thei ben stronge and myghty and swift renneres; for thei taken wyld bestes with rennyng, and eten hem.

And in another yle ben folk, that gon upon hire hondes and hire feet, as bestes: and thei ben alle skynned and fedred, and thei wolde lepen als lightly in to trees, and fro tree to tree, as it were squyrelles or apes.

And in another yle ben folk that ben bothe man and womman: and thei han kynde of that on and of that other; and thei han but o pappe on the o syde, and on that other non: and thei han membres of generacioun of man and womman; and thei usen bothe, whan hem list, ones that on, and another tyme that other: and thei geten children, whan thei usen the membre of man; and thei bere children, whan thei usen the membre of womman.

And in another yle ben folk, that gon alle weyes upon here knees, ful merveylously; and at every pas that thei gon, it semethe that thei wolde falle: and thei han in every foot, 8 toes.

Many other dyverse folk of dyverse nature ben there in other yles abouten, of the whiche it were to longe to telle: and therfore I pa.s.se over schortly.

From theise yles, in pa.s.synge be the see occean toward the est, be many iourneyes, men fynden a gret contree and a gret kyngdom, that men clepen Mancy: and that is in Ynde the more: and it is the beste lond, and on of the fairest, that may be in alle the world, and the most delectable, and the most plentifous of all G.o.des, that is in power of man. In that lond duellen many Cristene men and Sarrazynes: for it is a G.o.de contree and a gret. And there ben there inne mo than 2000 grete cytees and riche, with outen other grete townes. And there is more plentee of peple there, than in ony other partie of Ynde; for the bountee of the contree. In that contree is no nedy man, ne none that gothe on beggynge. And thei ben fulle faire folk: but thei ben all pale. And the men han thynne berdes and fewe heres; but thei ben longe: but unethe hathe ony man pa.s.synge 50 heres in his berd; and on heer sitt here, another there, as the berd of a lyberd or of a catt.

In that lond ben many fairere wommen, than in ony other contree bezonde the see: and therfore men clepen that lond Albanye; because that the folk ben whyte. And the chief cytee of that contree is clept Latoryn; and it is a iourneye from the see: and it is moche more than Parys. In that cytee is a gret ryvere, berynge schippes, that gon to alle the costes in the see. No cytee of the world is so wel stored of schippes, as is that. And alle tho of the cytee and of the contree worschipen ydoles. In that contree ben double sithes more briddes than ben here. There ben white gees, rede aboute the nekke, and thei han a gret crest, as a c.o.kkes comb upon hire hedes: and thei ben meche more there, than thei ben here; and men byen hem there alle quykke, right gret chepe. And there is gret plentee of neddres, of whom men maken grete festes, and eten hem at grete sollempnytees. And he that makethe there a feste, be it nevere so costifous, and he have no neddres, he hathe no thanke for his travaylle.

Many G.o.de cytees there ben in that contree, and men han gret plentee and gret chep of alle wynes and vitailles. In that contree ben manye chirches of religious men, and of here lawe: and in tho chirches been ydoles, als grete as geauntes. And to theise ydoles thei zeven to ete, at grete festyfulle dayes, in this manere. Thei bryngen before hem mete alle soden, als hoot as thei comen fro the fuyr, and thei leten the smoke gon up towardes the ydoles; and than thei seyn, that the ydoles han eten; and than the religious men eten the mete aftrewardes. In that contree been white hennes withouten fetheres: but thei beren white wolle, as scheep don here.

In that contree, wommen that ben unmaryed, thei han tokenes on hire hedes, lyche coronales, to ben knowen for unmaryed. Also in that contree, ther ben bestes, taughte of men to gon in to watres, in to ryveres and in to depe stankes, for to take fysche; the whiche best is but lytille, and men clepen hem loyres. And whan men casten hem in to the watre, anon thei bringen up gret fissches, als manye as men wold. And zif men wil have mo, thei cast hem in azen, and thei bryngen up als many as men list to have.

And fro that cytee, pa.s.synge many iourneyes, is another cytee, on of the grettest of the world, that men clepen Ca.s.say; that is to seyne, the Cytee of Hevene. That cytee is well a 50 myle aboute, and it is strongliche enhabyted with peple, in so moche that in on house men maken 10 housholdes.

In that cytee ben 12 princypalle zates; and before every zate, a 3 myle or a 4 myle in lengthe, is a gret toun, or a gret cytee. That cytee sytt upon a gret lake on the see; as dothe Venyse. And in that cytee ben mo than 12000 brigges: and upon every brigge, ben stronge toures and G.o.de; in the whiche duellen the wardeynes, for to kepen the cytee fro the gret Cane. And on that o part of the cytee, rennethe a gret ryvere alle along the cytee.

And there duellen Cristene men, and many marchauntes and other folk of dyverse natyouns: be cause that the lond is so G.o.de and so plentifous. And there growethe fulle G.o.de wyn, that men clepen Bigon, that is fulle myghty and gentylle in drynkynge. This is a cytee ryalle, where the Kyng of Mancy was wont to duelle: and there duellen many religious men, as it were of the order of freres: for thei ben mendyfauntes.

From that cytee, men gon be watre, solacynge and disportynge hem, tille thei come to an abbey of monkes, that is faste bye, that ben G.o.de religious men, after here feythe and lawe. In that abbeye is a gret gardyn and a fair, where ben many trees of dyverse manere of frutes: and in this gardyn, is a lytille hille, fulle of delectable trees. In that hille and in that gardyn, ben many dyverse bestes, as of apes, marmozettes, babewynes, and many other dyverse bestes. And every day, whan the covent of this abbeye hathe eten, the awmener let bere the releef to the gardyn, and he smytethe on the gardyn zate with a clyket of sylver, that he holdethe in his hond, and anon alle the bestes of the hille and of dyverse places of the gardyn, comen out, a 3000 or a 4000; and thei comen in gyse of pore men: and men zeven hem the releef, in faire vesselles of sylver, clene over gylt. And whan thei han eten, the monk smytethe eft sones on the gardyn zate with the clyket; and than anon alle the bestes retornen azen to here places, that thei come fro. And thei seyn, that theise bestes ben soules of worthi men, that resemblen in lyknesse of the bestes, that ben faire: and therfore thei zeve hem mete, for the love of G.o.d. And the other bestes that ben foule, they seyn, ben soules of pore men and of rude comouns. And thus thei beleeven, and no man may putte hem out of this opynyoun. Theise bestes aboveseyd, thei let taken, whan thei ben zonge, and norisschen hem so with almesse; als manye, as thei may fynde. And I asked hem, zif it had not ben better, to have zoven that releef to pore men, rathere than to the bestes.

And thei answerde me and seyde, that thei hadde no pore men amonges hem, in that contree: and thoughe it had ben so, that pore men had ben among hem, zit were it gretter almesse, to zeven it to tho soules, that don there here penance. Many other marveylles ben in that cytee and in the contree there aboute, that were to long to telle zou.

Fro that cytee, go men be the contree a 6 iourneyes, to another cytee, that men clepen Chilenfo: of the whiche cytee, the walles ben 20 myle aboute. In that cytee ben 60 brigges of ston, so faire, that no man may see fairere.

In that cytee was the firste sege of the Kyng of Mancy: for it is a faire cytee, and plenteeyous of alle G.o.des.

Aftre pa.s.se men overthwart a gret ryvere, that men clepen Dalay: and that is the grettest ryvere of fressche water, that is in the world. For there, as it is most narow, it is more than a myle of brede. And thanne entren men azen into the lond of the grete Chane. That ryvere gothe thorghe the lond of Pigmaus: where that the folk ben of litylle stature, that ben but 3 span long: and thei ben right faire and gentylle, aftre here quantytees, bothe the men and the wommen. And thei maryen hem, whan thei ben half zere of age, and geten children. And thei lyven not, but 6 zeer or 7 at the moste.

And he that lyvethe 8 zeer men holden him there righte pa.s.synge old. Theise men ben the beste worcheres of gold, sylver, cotoun, sylk, and of alle suche thinges, of ony other, that be in the world. And thei han often tymes werre with the briddes of the contree, that thei taken and eten. This litylle folk nouther labouren in londes ne in vynes. But thei han grete men amonges hem, of oure stature, that tylen the lond, and labouren amonges the vynes for hem. And of tho men of oure stature, han thei als grete skorne and wondre, as we wolde have among us of geauntes, zif thei weren amonges us. There is a G.o.de cytee, amonges othere, where there is duellynge gret plentee of tho lytylle folk: and it is a gret cytee and a faire, and the men ben grete, that duellen amonges hem: but whan thei geten ony children, thei ben als litylle as the pygmeyes: and therfore thei ben alle, for the moste part, alle pygmeyes; for the nature of the lond is suche. The grete Cane let kepe this cytee fulle wel: for it is his. And alle be it, that the pygmeyes ben lytylle, zit thei ben fulle resonable, aftre here age, and connen bothen wytt and G.o.de and malice, y now.

Fro that cytee, gon men be the contree, be many cytees and many townes, unto a cytee, that men clepen Jamchay: and it is a n.o.ble cytee and a riche, and of gret profite to the lord: and thidre go men to sechen marchandise of alle manere of thing. That cytee is fulle moche worthe zerly to the lord of the contree. For he hathe every zere to rente of that cytee (as thei of the cytee seyn) 50000 c.u.mantz of floreyns of gold: for thei cownten there alle be c.u.manz: and every c.u.mant is 10000 floryns of gold. Now may men wel rekene, how moche that it amountethe. The kyng of that contree is fulle myghty: and zit he is undre the grete Cane. And the gret Cane hathe undre him 12 such provynces. In that contree, in the G.o.de townes, is a G.o.de custom. For whoso wille make a feste to ony of his frendes, there ben certeyn innes in every G.o.de toum; and he that wil make the feste, wil seye to the hostellere, arraye for me, to morwe, a G.o.de dyner, for so many folk; and tellethe him the nombre; and devysethe him the viaundes: and he seythe also, thus moche I wil dispende, and no more. And anon the hostellere arrayethe for him, so faire and so wel and so honestly, that ther schalle lakke no thing. And it schalle be don sunnere, and with la.s.se cost, than and a man made it in his owne hous.

And a 5 myle fro that cytee, toward the hed of the ryvere of Dalay, is another cytee, that men clepen Menke. In that cytee is strong navye of schippes; and alle ben white as snow, of the kynde of the trees, that thei ben made offe. And thei ben fulle grete schippes, and faire, and wel ordeyned, and made with halles and chambres, and other eys.e.m.e.ntes, as thoughe it were on the lond.

Fro thens go men be many townes and many cytees, thorghe the contree, unto a cytee, that men clepen Lanteryne: and it is an 8 iourneyes from the cytee aboveseyd. This cytee sitt upon a faire ryvere, gret and brood, that men clepen Caramaron. This ryvere pa.s.sethe thorghe out Cathay: and it dothe often tyme harm, and that fulle gret, whan it is over gret.

Of the grete Chane of Chatay. Of the Rialtee of his Palays, and how he sitt at Mete; and of the grete nombre of Officeres, that serven hym.

[Sidenote: Cap. XX.] Chatay is a gret contree and a faire, n.o.ble and riche, and fulle of marchauntes. Thidre gon marchaundes alle zeres, for to sechen spices and alle manere of marchandises, more comounly than in ony other partye. And zee schulle undirstonde, that marchaundes, that comen fro Gene or fro Venyse or fro Romanye, or other partyes of Lombardye, thei gon be see and be lond 11 monethes, or 12, or more sum tyme, or thei may come to the yle of Cathay, that is the princypalle regyoun of alle partyes bezonde; and it is of the grete Cane.

Fro Cathay go men toward the est, be many iourneyes: and than men fynden a G.o.de cytee, betwene theise othere, that men clepen Sugarmago. That cytee is on of the beste stored of sylk and other marchandises, that is in the world. Aftre go men zit to another old cytee, toward the est: and it is in the provynce of Cathay. And besyde that cytee, the men of Tartarye han let make another cytee, that is clept Caydon; and it hathe 12 zates: and betwene the two zates, there is alle weyes a gret myle; so that the 2 cytees, that is to seyne, the olde and the newe, han in circuyt more than 20 myle.

CAPVT. 34.

De pallatio Imperatoris Grand Can.

Palatium Imperatoris Grand Can, quod est in Caydo ciuitate, continet in circuitu proprij muralis vltra duas leucas, et sunt in eo aulae quam plures, in forma n.o.biles, et in materia n.o.biliores. Aula autem sedis, quae est maxime caeterarum, habet intrinsecus pro sui sustentatione 24. aereas columnas factas opere fusorio, de auro puro, et omnes parietes ab intus opertas pellibus quorundam animalium, quae vocantur Pantheres: hae sanguinei sunt coloris, et ita remicantes, vt Sole desuper relucente; vix oculus valeat huma.n.u.s sufferre splendorem, tantaeque fragantiae, vt illi approximare non posset aer infectus, vnde et ista opertura parietum appreciatur super tegmen aurearum laminarum.

Namque stultorum aliqui Paganorum huiusmodi adorant animalia propter colorum, odorumque virtutem. Proposui retrahere calamum a describenda n.o.bilitate, gubernatione et ministrantium frequentia, atque Imperatoris magnificentia: attamen quia coepi ego, propter incredulos, et nescios, ac inerudibiles, non dimittam in toto. Quicunque enim nihil credunt, nihil sciunt, neque erudiri possunt, Scriptura testante, si non credideritis non intelligetis. Dico ergo, et vere dico, qud in huius aulae capite sit thronus, vel sedes Imperialis, excelsus et eminens in ascensu graduum quamplurium, in quo residere solet in plenaria maiestate, in cuius throni toto corpore nihil apparet minus n.o.bile, auro, margaritis, gemmis, et lapidibus preciosis. Singuli gradus sunt de singulis, ac inter se diuersis magnis lapidibus, vtpote primus de Haematisto, alius de Sardio, et alius de Chrysolito, et sic vsque ad supremum gradum, qui singuli ad formam cuiusque gradus sunt circ.u.mfusi, et clusorio opere firmati, auro solido, et nihilominus per superficiem auri, distincte seminati, firmiterque inclusi lapilli cari, c.u.m orientalibus Margaritis, summitas autem c.u.m ferculo residentiae in n.o.bilitate excisionis, et fabrifactura operis tam diuersa est, et mira, vt paruitatem mei ingenij excedat, quamobrem et ei cedo, vlteriusque procedo.

Ad Imperatoris sinistram gradu vno ba.s.sior, est sedes suae primae coniugis, tota de iaspidibus auro circ.u.mfusis, et in superficie aulae distinctae gemmulae c.u.m granellis eodem schemate, et similiter de iaspide. Sed adhuc submissior vno gradu est sedes coniugis secundae, nec non et sub illa vxoris tertiae. Nam tres proprias sec.u.m habet vxores, Odericus dicit, istas duas concubinas. Itemque resident sub tertia coniuge n.o.biles mulieres de Imperatoris progenie, iuxta ill.u.s.triam vniuscuiusque.

Et notandum, qud per totam patriam singulae mulieres maritatae, vt intelligantur maritis subiectae, et vt discernantur a solutis, gestant in capitis summitate similitudinem pedis viri, longitudinis brachij et dimidij, quadam leui materia operatam: videlicet n.o.biles de sericosis operibus pannorum, seu alijs raris et pulchris pannis, et preciosis lapillis, et ign.o.biles iuxta statum suum de materia communiori.

Ad dextram ver sedentis Imperatoris vno gradu submissus residet primogenitus eius filius, et sub ipso ordinate in consimilibus sedibus n.o.biles proximi de cognitione Imperiali.

Item super thronum et desuper ante ipsius throni loc.u.m, tanquam pro celato seu operimento in throno residentium, et eorum ministrantium, est extensa similitudo vitis operata in palmitibus, et pampinis, de auro puro ad extensionem cubitorum quadraginta, per quadrum, atque per eam dependentes botri vuarum de gemmis, et granellis quinque colorum, quorum albi sunt de christallo et beryllo, et iriscrocei de topazio et fuluo christallo, rubei de rubetorum granis, corallo, et alibandinis, virides de Smaragdis, pyropis, et chrysolytis, nigri, de onichinis, gagetis, et gerateris.

Tempore prandij in hac aula, Imperator et Imperatrices, et quisque de praedictis, habet mensam sibi solam, quarum vilior praeualet thesauro grandi.

In solennitatibus ponitur mensa Imperatori de exquisito electro, seu de auro examinato, distincta diamantibus, et n.o.bis ignotis in comparabilibus gemmis, quandoque de christallo perspicuo, seu croceo, circ.u.mclusa auro c.u.m gemmis: quandoque de Haematisto, quandoque de ebore candido, vel rubicundo: interdum de ligno artificiose combinato, quod descendit per flumina de Paradiso. Idem dicit Odericus.

His mensis astant Barones, et Principes pro vasallis attente in suis officijs ministrantes, quorum nec vnus emittere verb.u.m aliqua praesumit audacia, nisi Imperatore annuente, vel ad illum loquente, illis duntaxat exceptis, qui certis interspatijs canunt, aut recitant de principum gestis.

Et notandum, quando in hoc solio Maiestatis diebus solennibus residet Imperator, subsidere ad pedes eius notarios quatuor, qui omne quod Dominus loquitur, singuli ponunt in scriptis: nam quodcunque tunc ex ore illius egreditur, necesse est esse, vel effici, nec valet item ipse verb.u.m suum mutare, nec reuocare, nisi magno consilio conuocato.

Vniuersa vtensilia quibus in solennitate ad has seruitur mensas, sunt de n.o.bilibus petris auro reclusis, Cyphi de Smaragdis, vel Saphyris, topasijs, pyropis, siue gryophis: et priuatioribus diebus, de auro probato etiam in cameris, et cubiculis, nec reputatur ibi claritas argenti, nisi pro pilarijs, columnis, gradibus, et pauimentis.

Istius autem ostia aulae, dum in ea residet, aut deambulat Imperator, multi Barones ingressum seruant intente, et ne limen tangatur, quod hoc haberent pro augurio, et bene verberaretur, quia Imperatore praesente, nemo nisi adductus in quacunque camera, vel habitatione intromitt.i.tur, donec interrogatus iusserit Imperator.

Lat.i.tudinem huius Basilicae aestimo ad spatium de meis pedibus centum et longitudinem vltra quatuor centum. In cubiculo autem Regis dormitorio, constat vnus pillarius, seu columna de auro solido et carbunculus conclusus in illo longitudinis pedis vnius, totum habitaculum de nocte perfundens lumine claro. Hic prout ego notaui, non est plene rubeus, sed subrufus, quasi coloris Haematistini. Porr in vna aularum, circa medium palatii, est alius excelsus ascensus, Odericus dicit pigma, super quem dum placet, stat, vel residet Imperator, ditissime etiam operatus, ex auro, gemmis, baccis, margaritis, et lapidibus raris, et in quatuor angulis, imagines quatuor serpentum de auro puro.

Huius per tria latera dependent retia seu cortinae de cordulis sericis, in quibus ad singulos nodos, grossa margarita habetur innexa, quibus cortinis tegitur officina: in eius concauitate tenetur tumba quadrata, in qua conueniunt conductus omnium potuum, qui bibuntur in Curia, et innumera vasorum genera, quibus potus omnibus ministratur.

Click Like and comment to support us!

RECENTLY UPDATED NOVELS

About The Principal Navigations, Voyages, Traffiques and Discoveries of the English Nation Volume Viii Part 17 novel

You're reading The Principal Navigations, Voyages, Traffiques and Discoveries of the English Nation by Author(s): Richard Hakluyt. This novel has been translated and updated at LightNovelsOnl.com and has already 493 views. And it would be great if you choose to read and follow your favorite novel on our website. We promise you that we'll bring you the latest novels, a novel list updates everyday and free. LightNovelsOnl.com is a very smart website for reading novels online, friendly on mobile. If you have any questions, please do not hesitate to contact us at [email protected] or just simply leave your comment so we'll know how to make you happy.